لاہور ویسٹ مینجمنٹ کمپنی کی جانب سے شہرمیں صفائی نظام برقرار رکھنے کے لیے موثرصفائی انتظامات کا سلسلہ جاری ہے۔ ایل ڈبلیو ایم سی کے افسران اور ورکرز فیلڈ میں متحرک ہیں۔آپریشن ٹیموں کی ورکنگ کا جائزہ لینے کے لیے سی ای او بابر صاحب دین نے خود فیلڈ میں سرپرائز چیکنگ کی، مختلف علاقوں میں ورکرز کی حاضری اور صفائی انتظامات کا جائزہ لیا۔مین شاہراہوں کے ساتھ ساتھ سروس لینز پر بھی مینوئل سویپنگ کر کے خصوصی صفائی یقینی بنانے اورملبے کی چھوٹی ڈھیریاں فوری کلیئر کروانے کی ہدایات جاری کیں۔ستھرا پنجاب وژن کے تحت شہریوں کو صفائی کی بہترین سہولیات فراہم کرنے کے لیے سی ای او ایل ڈبلیو ایم سی نے بھاٹی چوک، اردو بازار، شاہ عالم بازار سرکلر روڈ سروس لینز میں صفائی انتظامات کا جائزہ لیا۔دہلی گیٹ، میلاد چوک، ریلوے روڈ، داتا گنج بخش ٹاؤن،ایبٹ روڈ، ایمپریس روڈ، کوئین میری روڈ،جیل روڈ، مین بلیوارڈ گلبرگ، کالج روڈ، غالب روڈ کا بھی دورہ کیا۔سی ای او ایل ڈبلیو ایم سی کا کہنا ہے کہ لاہوریوں کو صاف ستھرا ماحول فراہم کرنا ہی اولین ترجیح ہے۔ شہریوں سے التماس ہے کہ ایل ڈبلیو ایم سی ٹیموں کا ساتھ دیں، کوڑا کوڑے دان میں پھینکیں یا ایل ڈبلیو ایم سی ٹیموں کے حوالے کریں۔ صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
