چیئرمین ڈسٹرکٹ کونسل سکھر سید کمیل حیدر شاہ نے قصرِ ناصر ہاؤس روہڑی میں ضلع کونسل کے افسران اور ڈویلپمنٹ کمیٹی کے اراکین کے ساتھ ایک اہم میٹنگ کی۔ میٹنگ کے دوران جاری ترقیاتی منصوبوں پر تفصیلی بریفنگ لی گئی جبکہ مختلف اسکیموں کی پیش رفت، عوامی فلاح و بہبود کے اقدامات اور مستقبل کی ترقیاتی حکمتِ عملی پر تفصیلی تبادلۂ خیال کیا گیا۔اس موقع پر چیئرمین ڈسٹرکٹ کونسل سکھر سید کمیل حیدر شاہ نے متعلقہ افسران کو ہدایت کی کہ ترقیاتی منصوبوں کی بروقت تکمیل اور عوامی مسائل کے فوری حل کو یقینی بنایا جائے تاکہ ضلع بھر کے شہریوں کو بہتر سہولیات اور معیاری خدمات فراہم کی جا سکیں۔
چیئرمین ڈسٹرکٹ کونسل سکھر سید کمیل حیدر شاہ کی افسران اور ڈویلپمنٹ کمیٹی کے اراکین کے ساتھ اہم میٹنگ
