*حکومت پنجاب کا تحفظ ماحولیات پر فوکس ہے۔این او سی کیلئے مکمل فائل پر تاخیر پر زیرو ٹالرنس ہے۔کمشنر لاہور زید بن مقصود*

کمشنر لاہور زید بن مقصود کی زیر صدارت ماحولیاتی این او سیز اجراء کے حوالے سے ڈویژنل ماحولیات کمیٹی کا اجلاس منعقد ہوا۔ اجلاس میں کمیٹی نے کمرشل عمارت، اپارٹمنٹ، پولٹری فارمز، پٹرول پمپس اور ویر ہاؤسز کیلئے این او سیز کا تفصیلا جائزہ لیا۔ کمیٹی میں شامل محکمہ ماحولیات کے افسران و ماہرین نے کمشنر لاہور کو ماحولیاتی این او سیز بارے بریفنگ دی۔ کمشنرلاہور سے منظوری کیلئے ماحولیاتی کمیٹی نے پوری ڈویژن سے این او سی اجراء کے 48 کیسز پیش کیے۔ کمشنر لاہور نے کمیٹی کی مشاورت سے پیش کردہ 48 کیسز میں سے 26 کیسز کو ماحولیاتی این او سیز جاری کرنے کی منظوری دی جبکہ 22 کیسز نامکمل ہونے پر مسترد کر دئیے۔ 22 این او سی اجراء درخواستوں کو نان کمرشیلائزیشن سرٹیفکیٹ اور نان ہائٹ سرٹیفکیٹ نہ ہونے پر مسترد کیا گیا۔ کمشنر لاہور نے کہا ہے کہ حکومت پنجاب کا تحفظ ماحولیات پر پورا فوکس ہے، کاروبار کے فروغ، ایز آف بزنس ڈوئنگ اصول پر این او سی اجراء کیلئے باقاعدگی سے جائزہ لیا جارہا ہے، درخواست دہندگان کی آسانی کیلئے کمیٹی باقاعدگی سے ہفتہ وار اجلاس میں کیسز کا جائزہ لیتی ہے، این او سی کیلئے مکمل فائل میں تاخیر پر زیرو ٹالرنس ہے۔