یو ایم ٹی کو سموک اینڈ ڈرگ فری کیمپس بنانے کے لیے مفاہمتی یادداشت پر دستخط کرنے کی تقریب،آئس اور ویپ طلبہ کا پسندیدہ اور فیورٹ نشہ ہے، سید ذوالفقار حسین

یونیورسٹیوں کے طلبہ کو نشے کی لعنت سے بچانے کا مشن ڈرگ ایڈوائزری ٹریننگ حب اور یونیورسٹی آف مینجمنٹ اینڈ ٹیکنالوجی کے درمیان سموک اینڈ ڈرگ فری کیمپس کے حوالے سے تیسرے فیس کیلئے مفاہمتی یادداشت پر دستخط کرنے کی تقریب منعقد ہوئی کنسلٹنٹ انسدادِ منشیات مہم سید ذوالفقار حسین اور ڈائریکٹر جنرل یو ایم ٹی احمد عبداللہ نے مفاہمتی یادداشت پر دستخط کیے اس موقع پر ہیڈ آف سیکورٹی اور جی ایم سیپیشل پراجیکٹ کرنل سخاوت حسین نے یونیورسٹی میں منشیات کے خلاف سموک اینڈ ڈرگ فری کیمپس کے حوالے سے مختلف اقدامات بارے آگاہ کیا سید ذوالفقار حسین کنسلٹنٹ انسداد منشیات مہم نے کہا کہ یونیورسٹیوں کے طلبہ وطالبات میں ای سگریٹ، ویپ سموکنگ کا رحجان بڑھ رہا ہے۔سموک اینڈ ڈرگ فری کیمپس کے ایس او پی پر عمل نہ کرنے والے تعلیمی اداروں کا درجہ ختم کردیا جائے گا آئس طلبہ کا پسندیدہ اور فیورٹ نشہ ہے جو رات کو جاگنے کے لئے استعمال کرتے ہیں۔انہوں نے کہا کہ تعلیمی اداروں کے ساتھ ساتھ ہاسٹلز میں نشہ کے رحجان کو کم کرنے کیلئے نئی پالیسی کی ضرورت ہے۔ ڈی جی احمد عبداللہ نے کہا کہ یو ایم ٹی یونیورسٹی اور ڈرگ ایڈوائزری ٹرینیگ حب طلبہ میں نشہ کے رحجان کو کم کرنے میں پہلے سے زیادہ کام کریں گے ہماری یونیورسٹی طلبہ میں تعلیم کے ساتھ بہتر تربیت کا بھی اہتمام کرتی ہے اس موقع پر سیکرٹری عدیل راشد، یوتھ کوآرڈینیٹر زین شاہد، مختلف ڈین سمیت ڈرگ ایڈوائزری ٹریننگ حب کے نمائندوں نےشرکت کی