وزیراعلیٰ گلگت بلتستان امجد حسین نے 2 میگاواٹ پاور پروجیکٹ مٹھاٹ رائیکوٹ کا دورہ کیا۔ اس موقع پر محکمہ برقیات کی جانب سے وزیر اعلیٰ کو اس منصوبے کے حوالے سے تفصیلی بریفنگ دی گئی۔ وزیر اعلیٰ نے کہاکہ 62 کروڑ خرچ کرنے کے باوجود اس منصوبے سے عوام کو فائدہ نہیں پہنچ رہاہے۔ وزیر اعلیٰ نے اس موقع پر اس منصوبے کی انکوائری کے احکامات دیتے ہوئے کہاکہ انکوائری رپورٹ کی روشنی میں اس منصوبے کی رویژن کا فیصلہ کیا جائے گا۔ وزیر اعلیٰ نے ناقص منصوبہ بندی اورسروے پر برہمی کا اظہار کرتے ہوئے کہاکہ عوام کو سہولیات پہنچانا حکومت کی ترجیحات میں شامل ہے۔قومی خزانے کو نقصان پہنچانے والوں کو کسی قسم کی رعایت نہیں دی جائے گی۔ جامعہ منصوبہ بندی اور سروے کو یقینی بنایا جائے۔ ناقص منصوبہ بندی کی وجہ سے منصوبے بروقت مکمل نہیں ہوتے اور قومی خزانے کو نقصان پہنچاتا اور منصوبوں کے ثمرات عوام تک نہیں پہنچتے ہیں۔
