ڈی سی لاہور سید موسیٰ رضا نے الصبح حرنین پورہ نئی مچھلی منڈی کا اچانک دورہ کیا. سی او ایم سی ایل شاہد عباس کاٹھیا،اسسٹنٹ کمشنر سٹی علی بابر رائے و دیگر بھی ڈی سی لاہور کے ہمراہ تھے. اسسٹنٹ کمشنر سٹی نے بریفنگ دیتے ہوئے بتایا کہ نئی مچھلی منڈی میں ٹف ٹائلز کا کام جاری ہے. ڈی سی لاہور نے کہا کہ نئی مچھلی منڈی میں تعمیراتی کام کی تکمیل جلدازجلد کی جائے. انہوں نے مچھلی منڈی کی خوبصورتی میں اضافہ کے لئے ایک ہی طرز پر دکانوں کے شیڈز کی تعمیرات کی ہدایات کیں. ڈی سی لاہور نے کہا کہ مچھلی منڈی میں خریدو فروخت پر آنے والوں کے لیے پارکنگ سہولیات و سمیت داخلی اور خارجی پوائنٹس الگ الگ بنائے جائیں، ڈی سی لاہور نے کہا کہ نئی مچھلی منڈی کے قریب مستقل چوکی کا قیام بھی عمل میں لایا جائے. ڈی سی لاہور نے کہا کہ نئی مچھلی منڈی میں مچھلی فروشوں کو تمام بنیادی سہولیات سے آراستہ کیا جائے اور مچھلی منڈی میں بجلی و سیوریج کو بہتر بنانے کے لئے ضروری اقدامات اٹھائے جائیں، ڈی سی لاہور نے کہا کہ ایل ڈبلیو ایم سی ورکرز نئی مچھلی منڈی میں صفائی انتظامات کو بہتر بنائیں اور صفائی انتظامات میں کوئی کسر نہ اٹھا رکھی جائے. ڈی سی لاہور نے نئی مچھلی منڈی میں بہترین انتظامات پر اسسٹنٹ کمشنر سٹی کی کاوشوں کو سراہا. ڈی سی لاہور سید موسیٰ رضا نے مچھلی منڈی انتظامیہ کو مکمل تعاون کی بھی یقین دہانی کروائی.
