ڈی جی ایل ڈی اے طاہر فاروق کی زیر صدارت ایل ڈی اے انجینئرنگ ونگ کا اجلاس منعقد ہوا۔ اجلاس میں صوبائی دارالحکومت میں جاری مختلف منصوبوں پر پیش رفت بارے آگاہ کیا گیا۔اجلاس میں چیف انجینئر ایل ڈی اے اسرار سعید اور پراجیکٹ ڈائریکٹر نے بریفنگ دی۔اجلاس میں گلبرگ سکیم کے مختلف بلاکس میں سسٹین ایبل ڈویلپمنٹ ماڈل کے تحت جاری ترقیاتی کاموں بارے بریفنگ دی گئی۔
گلبرگ،بی تھری بلاک میں فنشنگ کے کام آخری مراحل میں داخل ہوگئے ہیں، سی ون، ڈی ون اور ایل بلاک میں کام جاری ہیں۔اجلاس میں مین بلیوارڈ سبزہ زار، ٹولنٹن مارکیٹ، جان محمد روڈ پر جاری کاموں بارے بریفنگ دی گئی۔اجلاس میں جی ون مارکیٹ جوہر ٹاؤن اور لنک روڈ مادرملت روڈ تا چوہدری رحمت علی نزر سوک سینٹر ٹاؤن شپ میں جاری کاموں بارے بریفنگ دی گئی۔اجلاس میں ٹاؤن شپ سکیم اور ایل ڈی اے سٹی کے ترقیاتی کاموں بارے بھی بریفنگ دی گئی۔ڈی جی ایل ڈی اے طاہر فاروق نے جی ون مارکیٹ اور ٹولنٹن مارکیٹ کے کاموں میں تیزی لانے کی ہدایت کی۔ڈی جی ایل ڈی اے نے ترقیاتی کاموں کے دوران کام کے معیار پر سمجھوتہ نہ کرنے کی ہدایت کی۔اجلاس میں ڈائریکٹر ایل ڈی اے سٹی، ڈائریکٹر انجیرنگ، پراجیکٹ ڈائریکٹر اور متعلقہ افسران نے شرکت کی۔
