طاہر فاروق کا فیروز پور روڈ کے مختلف پوائنٹس کا دورہ،عبد الستار ایدھی انڈر پاس اور فیروز پور روڈ پر جاری اپ گریڈیشن کے کاموں کا جائزہ

ڈی جی ایل ڈی اے طاہر فاروق نے فیروز پور روڈ کے مختلف پوائنٹس کا دورہ کیا۔ڈی جی ایل ڈی اے طاہر فاروق نے عبد الستار ایدھی انڈر پاس اور فیروز پور روڈ پر جاری اپ گریڈیشن کے کاموں کا جائزہ لیا۔ڈی جی ایل ڈی اے طاہر فاروق نے عبد الستار ایدھی انڈرپاس پر جاری بیوٹیفکیشن اور مرمت و بحالی کے کاموں کا جائزہ لیا۔چیف انجینئر ایل ڈی اے اسرار سعید، پراجیکٹ ڈائریکٹر اور ڈائریکٹر آرکیٹیکٹ نے بریفنگ دی۔فیروز پور روڈ کی ری ویمپنگ میں سڑک کی مرمت و بحالی اور پیچ ورک کا کام بھی شامل کیا جائے گا۔ڈی جی ایل ڈی اے طاہر فاروق نے فیروز پور روڈ گجومتہ سٹاپ پر جاری ری ویمپنگ کے پائلٹ منصوبے کا جائزہ لیا۔اس موقع پر ڈی جی ایل ڈی اے گفتگو کرتے ہوئے کہا کہ ایل ڈی اے فیروزپور روڈ پر 15 کلومیٹر سڑک کے دونوں اطراف اربن ریجنریشن کے تحت کام کر رہا ہے۔کینال بینک روڈ سے رنگ روڈ تک مرحلہ وار اپ گریڈیشن کے کام کیے جائیں گے۔فیروز پور روڈ پر سڑک کے اطراف فٹ پاتھ کی تعمیر، پارکنگ ایریا اور املاک کا فساڈ اور سائنیج بہتر کی جائے گی۔فیروز پور روڈ پر فلائی اوورز اور برجز کے نیچے پارکنگ اور سیٹینگ ایریا بنایا جائے گا۔ فیروز پور روڈ سے تجاوزات اور لٹکتی تاروں کا خاتمہ اور غیر قانونی سائنیج بھی ہٹائی جائے گی۔ ڈی جی ایل ڈی اے نے فیروزپور روڈ پر ہسپتالوں کے باہر پارکنگ اور ٹریفک ری ماڈلنگ کرنے کی ہدایت کی۔ڈی جی ایل ڈی اے نے فیروز پور روڈ کے مختلف پوائنٹس پر ترقیاتی کاموں کے مجوزہ ڈیزائن کا بھی جائزہ لیا۔