ڈی جی ایل ڈی اے طاہر فاروق کی زیر صدارت ایل ڈی اے انجینئرنگ ونگ کا اجلاس منعقد ہوا۔ اجلاس میں سسٹین ایبل ڈویلپمنٹ ماڈل کے تحت گلبرگ سکیم میں جاری ترقیاتی منصوبوں کا جائزہ لیا گیا۔چیف انجینئر ایل ڈی اے اسرار سعید اور پراجیکٹ ڈائریکٹر نے بریفنگ دیتے ہوئے بتایا کہ گلبرگ سکیم کے بی تھری بلاک کا کام مکمل کر لیا گیا ہے۔ گلبرگ سکیم کے مزید تین بلاک سی ون، ڈی ون اور ایل بلاک میں ترقیاتی کام تیزی سے جاری ہیں۔ایل ڈی اے گلبرگ سکیم کے کمرشل کوریڈور، حالی روڈ، سرسید روڈ اور محمود قصوری روڈ و دیگر پر بھی کام کرے گا۔ڈی جی ایل ڈی اے طاہر فاروق نے کہا کہ گلبرگ سکیم میں سسٹین ایبل ڈویلپمنٹ ماڈل سے پوری سکیم میں بہتری آئے گی۔واک ویز، رین واٹر ویل، انڈر گراؤنڈ وائرنگ اور سولر لائٹس کی تنصیب سے سکیم میں واضح بہتری آرہی ہے۔
اجلاس میں شہر میں جاری دیگر ترقیاتی منصوبوں بارے بھی بریفنگ دی گئی۔جی ون مارکیٹ، ٹولنٹن مارکیٹ، مین بلیوارڈ سبزہ زار اور جان محمد روڈ پر بھی کام جاری ہے۔اجلاس میں ڈائریکٹر انجینئرنگ، ڈائریکٹر فنانس اور متعلقہ افسران نے شرکت کی۔
