وزیرہاؤسنگ ،اربن ڈویلپمنٹ اینڈ پبلک ہیلتھ انجینئرنگ بلال یاسین کی زیر صدارت اہم اجلاس ہوا،ڈی جی پنجاب ہاؤسنگ اینڈ ٹاؤن پلاننگ ایجنسی سکندر ذیشان نے اپنی چھت ،اپنا گھر پروگرام بارے تفصیلی بریفنگ میں بتایا کہ بلاسود قرض حاصل کرنے کیلئے درخواست گزاروں کی تعداد 5 لاکھ 30 ہزار سے تجاوز کر گئی ہے، اس موقع پر وزیر ہاؤسنگ اینڈ اربن ڈویلپمنٹ بلال یاسین نے کہا کہ 25 ہزار 457 افراد کو 26 ارب 97 کروڑ کی خطیر رقم کے بلاسود قرض جاری کیے جاچکے ہیں،21 ہزار 510 گھروں کی تعمیر جاری، 1420 گھروں کی تعمیر مکمل ہوچکی ہے،صوبائی وزیر بلال یاسین نے واضح کیا کہ وزیر اعلیٰ پنجاب کے مقرر کردہ اہداف کی بروقت تکمیل اولین ترجیح ہے،کم آمدن والے خاندانوں کیلئے رواں سال ایک لاکھ گھروں کی تعمیر مکمل ہوگی، عوام الناس اپنی چھت اپنا گھر پروگرام بارے شکایات یا تفصیلات جاننے کیلئے ٹال فری نمبر 080009100 پر رابطہ کریں، اس موقع پر اسپیشل سیکرٹری ہاؤسنگ ، سیکرٹری ٹیکنیکل اور دیگر افسران بھی شریک تھے۔
*وزیر ہاؤسنگ بلال یاسین کی زیر صدارت اپنی چھت ،اپنا گھر پروگرام بارے اہم اجلاس،بریفنگ*
