وزیر ہاؤسنگ بلال یاسین نے واسا ہیڈ آفس میں مون سون کنٹرول روم کا دورہ کیا۔ ایم ڈی واسا غفران احمد نے وزیر ہاؤسنگ بلال یاسین کو تفصیلی بریفنگ دی۔صوبائی وزیر ہاؤسنگ بلال یاسین نے رین مانیٹرنگ ڈیش بورڈ، لائیو انڈر پاسز کیمرہ مانیٹرنگ، ڈسپوزل اسٹیشن مانیٹرنگ کا جائزہ لیا۔انہوں نے تمام تکنیکی سہولیات اور فیلڈ سے مربوط نگرانی کے نظام کو سراہا اور واسا ٹیم کی کارکردگی کو مؤثر قرار دیا۔شہریوں کو ریلیف فراہم کرنے کے لیے 24/7 کنٹرول روم مکمل فعال رکھا جائے۔صوبائی وزیر ہاؤسنگ بلال یاسین نے ہدایات جاری کیں کہ تمام انڈر پاسز کی لائیو مانیٹرنگ جاری رکھی جائے تاکہ بارش کے دوران ٹریفک کی روانی متاثر نہ ہونے پائے۔ ڈسپوزل اسٹیشنز کی ریئل ٹائم مانیٹرنگ کے ساتھ ساتھ فیلڈ اسٹاف کی حاضری اور کارکردگی کو بھی مانیٹر کیا جائے۔عوام کو بروقت آگاہی فراہم کرنے کے لیے میڈیا سیل کو متحرک رکھا جائے اور سوشل میڈیا اپ ڈیٹس باقاعدگی سے جاری کی جائیں۔
مون سون کے دوران کسی بھی ہنگامی صورتحال سے نمٹنے کے لیے تمام وسائل کو بروئے کار لایا جائے۔
