حضرت علی ہجویریؒ کے 982ویں سالانہ عرس تقریبات کی مناسبت سے لاہور ویسٹ مینجمنٹ کمپنی کے 260 سے زائد ورکرز داتا دربار کے اطراف بہترین صفائی انتظامات یقینی بنانے کے لیے تعینات کر دیئے گے۔
سی ای او بابر صاحب دین کی ہدایت پر عرس تقریبات کے پہلے روزایل ڈبلیو ایم سی آپریشن ٹیموں کی جانب سے صفائی ستھرائی کے مثالی انتظامات یقینی بنائے گئے۔ داتا دربار آنے اور جانے والے راستوں پر فینائل اور عرق گلاب ملے پانی کا چھڑکاؤ مسلسل جاری رہا۔ایل ڈبلیو ایم سی کے ورکرز اور افسران دن اور رات کی شفٹوں میں دربار کے اطراف صفائی فرائض کی ادائیگی کے لیے ڈیوٹی پر موجود ہیں۔ صفائی عملہ داتا دربار اور ملحقہ سڑکوں پر مینوئل سویپنگ اور ویسٹ لفٹنگ کی ذمہ داریاں سرانجام دے رہا ہے۔سی ای او ایل ڈبلیو ایم سی بابر صاحب دین کا کہنا ہے کہ تین روزہ عرس تقریبات میں صفائی انتظامات کی نگرانی کے لیے ایل ڈبلیو ایم سی کنٹرول روم 24 گھنٹے فعال ہے۔ آپریشن ٹیموں کوداتا دربار آنے اور جانے والے تمام راستوں پر مینوئل سویپنگ، پانی کا چھڑکاؤ اور مکینیکل واشنگ کا عمل جاری رکھنے کی ہدایت بھی کر دی گئی ہے۔دربار آنے والے عقیدت مندوں اور زائرین سے بھی گزارش ہے کہ وہ اپنے ارد گرد کا ماحول صاف رکھنے میں صفائی ٹیموں کا ساتھ دیں۔
