صوبہ بھر میں 5 جولائی تک بارشوں کا سلسلہ اور ہنگامی اقدامات بارے وزیر ہاؤسنگ اینڈ اربن ڈویلپمنٹ پنجاب بلال یاسین کی زیر صدارت خصوصی اجلاس ہوا، ڈی جی واسا پنجاب طیب فرید کی تمام اضلاع میں کیے جانیوالے انتظامات بارے بریفنگ دی، وزیر اعلیٰ پنجاب مریم نواز کی ہدایت پر واساز اور ضلعی انتظامیہ کے ایمرجنسی کیمپس کو فعال کردیا گیا ہے، وزیر ہاؤسنگ پنجاب نے نالہ لئی میں پانی کے بہاؤ کی مسلسل مانیٹرنگ کی ہدایات جاری کیں،نشیبی علاقوں سے نکاسی آب اور عوامی ریلیف کیلئے تمام سہولیات کی فراہمی یقینی بنائی جائے گی، وزیر اعلیٰ مریم نواز کی ہدایت پر مون سون سیزن میں بارشی پانی کی بروقت نکاسی اولین ترجیح ہے، علاؤہ ازیں لاہور کے زیر زمین واٹر ٹینکس کو فعال بنانے کیلئے دن رات کام جاری ہے، کسی بھی ہنگامی صورتحال سے نمٹنے کیلئے تمام واساز کو الرٹ جاری کردیا گیا ہے، اس موقع پر ایڈیشنل سیکرٹری ایڈمن، ایڈیشنل سیکرٹری ٹیکنیکل اور دیگر افسران بھی موجود تھے۔
