کمشنر لاہور زید بن مقصود نے لاہور شہر میں بارش کے بعد نکاسی آب آپریشنز کا جائزہ لینے کیلئے شہر کے مختلف علاقوں کا دورہ کیا۔ کمشنر لاہور نے کینٹ اور گلبرگ کے علاقوں کا دورہ کیا اور نکاسی آب آپریشنز کا جائزہ لیا۔کمشنر لاہور نے واسا ہیڈ آفس میں مون سون کنٹرول روم کا دورہ کیا۔کمشنر لاہور نے واسا کنٹرول روم سے لائیو رین مانیٹرنگ ڈیش بورڈ، لائیو انڈر پاسز کیمرہ مانیٹرنگ اور ڈسپوزل اسٹیشن مانیٹرنگ کا جائزہ لیا۔ کمشنر لاہور نے لائیو مانیٹرنگ کے ذریعہ تمام ایمرجنسی پوائنٹس اور میں شاہراہوں پر جاری نکاسی آب آپریشن کا لائیو معائنہ کیا۔ اس موقع پر ڈی سی لاہور سید موسی رضا اور ڈی جی ایل ڈی اے طاہر فاروق بھی ہمراہ موجود تھے۔ ایم ڈی واسا غفران احمد شہر میں جاری نکاسی آب آپریشنز پر بریفنگ دی۔کمشنر لاہور نے واسا و ضلعی انتظامیہ کو ہدایت دیتے ہوئے کہا ہے کہ شہر کی تمام مرکزی شاہراہوں و نشیبی علاقوں کو مکمل کلیئر رکھیں، انہوں نے کہا کہ تمام ڈسپوزل اسٹیشنز کو مکمل استعداد پر چلائیں اور بیک اپ فعال رکھا جائے، شہر کے تمام علاقوں کی مکمل کلیرنس کیلیے شیڈول کے مطابق علمدرآمد کیا جائے، انہوں نے کہا کہ شہریوں کی اطلاعات و شکایات پر فوری ردعمل دیا جائے۔ 
کمشنر لاہور نے کہا کہ شہریوں کی سہولت حکومتِ پنجاب کی اولین ترجیح ہے، عوامی سہولیات فراہمی پر کوئی کمپرومائز نہیں ہوگا، انہوں نے مزید کہا کہ سورنگ پوائنٹس سمیت تمام علاقوں میں نکاسیئ آب آپریشن جاری ہے اور ٹیمیں متحرک ہیں، شہری بارش میں بجلی کے کھمبوں سے دور رہیں اور احتیاطی تدابیر پر ضرور عمل کریں۔
