پنجاب میں وسیع پیمانے پر پٹواریوں اور رجسٹری محررز کے تبادلے کر دئیے گئے ہیں۔پنجاب بھر کی 151 تحصیلوں میں پٹواریوں کے تبادلے کئے گئے ہیں۔ذرائع کے مطابق پٹواریوں کے خلاف شکایات میں اضافہ ہو رہا تھا اور معاملہ وزیر اعلی تک پہنچ چکا تھا۔ جس پر اوپر سے احکامات دئیے گئے ہیں کہ کسی بھی سرکل میں ایپ سال سے زائد عرصہ سے تعینات پٹواریوں کو فی الفور تبدیل کیا جائے۔ڈپٹی کمشنرز کو ایک ہی روز پٹواریوں کو تبدیل کر کے رپورٹ بھجوانے کا کہا گیا۔جس پر پنجاب میں 1000 سے زائد پٹواریوں کے ایک ہی روز تبادلے کر دئیے گئے ہیں۔۔۔
