کمشنر لاہورڈویژن نعمان یوسف نے پرائس کنٹرول کے حوالے سے لاہور ڈویژن کے چاروں اضلاع کے ڈپٹی کمشنرز کو ہدایات جاری کیں۔ کمشنر لاہور نے کہا ہے کہ اضلاع پرائس کنٹرول انسپکشنز کو موثر بنائیں اور ذخیرہ اندوزی پر کریک ڈاون کریں، پرائس مجسٹریٹ، پیرا فورس اشیائے خورونوش کی قیمتوں کو نوٹیفائیڈ ریٹس کے مطابق چیک کریں، یقینی بنایا جائے کہ نوٹیفائیڈ ریٹ لسٹس ہر ریڑھی، دکان اور مارکیٹ میں آویزاں ہوں۔ کمشنر لاہور نے کہا کہ اسسٹنٹ کمشنرز، پیرا فورس، پرائس مجسٹریٹس پرائس چیکنگ و مانیٹرنگ سخت کریں، چیکنگ ٹیمز فیلڈ میں رہیں اور اشیائے خورونوش قیمتوں کو اعتدال میں رکھیں۔ کمشنر لاہور نے مزید کہا کہ ہر پرائس مجسٹریٹ اور پیرا فورس کا باقاعدہ جائزہ لیا جارہا ہے، ناقص کارکردگی پر زیرو ٹالرنس ہے، حکومت پنجاب ہدایات واضح ہیں ناجائز منافع خوری پر کوئی رعایت نہیں، ڈپٹی کمشنرز مربوط نظام کے تحت روزانہ پرائس کنٹرول سٹریٹیجی ترتیب دیں۔
*حکومت پنجاب ہدایات واضح ہیں۔ناجائز منافع خوری پر کوئی رعایت نہیں۔کمشنر لاہور نعمان یوسف*
