معاون خصوصی برائے پرائس کنٹرول سلمیٰ بٹ سے پاکستان فلار ملز ایسوسی ایشن کے وفد ارکان نے ملاقات کی،سیکرٹری پرائس کنٹرول ڈاکٹر احسان بھٹہ اور ڈی جی فوڈ نوید شہزاد مرزا بھی شریک تھے،مارکیٹ میں گندم اور آٹے کی سپلائی بارے تفصیلی بریفنگ دی گئی،چیئرمین پاکستان فلار ملز ایسوسی ایشن عاصم رضا نے درپیش مسائل بارے آگاہ کیا، معاون خصوصی برائے پرائس کنٹرول سلمی بٹ کا کہنا تھا کہ انڈسٹری اور حکومت مل کے درپیش مسائل سے متعلق سفارشات تیار کر رہے ہیں، وزیر اعلیٰ پنجاب کی ہدایت پر روٹی اور آٹے کی ارزاں نرخوں پر فراہمی یقینی بنانے کیلئے ہر ممکن اقدامات کیے جارہے ہیں، سیلابی صورتحال کے پیش نظر ہنگامی اقدامات وقت کا تقاضا ہیں، انڈسٹری نمائندگان کا حکومت سے تعاون مثبت ، سفارشات پر غور کیا جارہا ہے ، مارکیٹ میں آٹے کی سپلائی بحال رہے گی۔
