*ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کرکے108املاک سربمہرکر دیں*

ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی تعمیرات،غیرقانونی کمرشل عمارتوں اورکمرشل فیس نادہندگان املاک کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کرکے108املاک سربمہرکر دیں۔ ایل ڈی اے ٹیموں نے گلبرگ، ماڈ ل ٹاؤن، مین وحدت روڈ،ریونیو سوسائٹی اورعلامہ اقبال ٹاؤن میں آپریشن کیا۔ایل ڈی اے ٹیموں نے غیرقانونی کمرشل استعمال، کمرشل فیس کی عدم ادائیگی پرگلبرگ،ماڈل ٹاؤن میں 27املاک، گلشن راوی، مین وحدت روڈ پر25 املاک سربمہر کر دیں۔ ریکوری آپریشن کے دوران ریونیو سوسائٹی میں 40املاک، علامہ اقبال ٹاؤن میں 16املاک سیل کر دیں۔ سیل کی گئی املاک میں نجی سکول، ورکشاپ،بیو ٹی سیلون، کلینک، فوڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانر ون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پر غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری ہیں۔