وزیر اعلیٰ خیبرپختونخوا محمد سہیل آفریدی سے پی ٹی آئی سندھ کے کارکنان اور عمران خان رہائی تحریک کے کنوینئرز پر مشتمل کثیر رکنی وفد نے ملاقات کی۔ وفد کی سربراہی سندھ سے ایم این اے سیف الرحمن کر رہے تھے۔ مشیر خزانہ مزمل اسلم بھی ملاقات میں موجود تھے۔ وفد کی محمد سہیل آفریدی کو وزارت اعلیٰ کا منصب سنبھالنے پر مبارکباد دی اورنیک تمناؤں کا اظہار کیا۔وزیر اعلیٰ کا ذاتی خرچے پر ملاقات کے لیے آنے والے وفد سے اظہار تشکر، کارکنان کا یہ جذبہ عمران خان سے والہانہ محبت کا عکاس ہے، محمد سہیل آفریدی نے کہا کہ اپنے قائد عمران خان کی رہائی ہم سب کی اولین ترجیح ہے، کارکنان حوصلے بلند رکھیں اور اپنی سرگرمیاں جاری رکھیں، ہم ان شاءاللہ، مشترکہ لائحہ عمل کے تحت عمران خان کو رہا کرائیں گے۔ وفد نے اظہار خیال کرتے ہوئے کہا کہ محمد سہیل آفریدی کے وزیر اعلیٰ بننے سے کارکنان کے اندر ایک نئی امید جاگی ہے، ہماری ایک ہی خواہش ہے کہ قائد کو رہا کرایا جائے۔ پاکستان بھر سے کارکنان اور عوام کی امیدیں آپ سے وابستہ ہیں ۔ اس وقت ہماری پہلی ترجیح عمران خان کی رہائی ہے۔ اس مقصد کے لیے وزیر اعلیٰ سہیل آفریدی کے ساتھ ہیں اور فرنٹ لائن پر کردار ادا کریں گے۔ وزیر اعلیٰ نے وفد کی دعوت پر سندھ کا دورہ کرنے کا بھی عندیہ دے دیا اور کہا کہ دورہ سندھ سے متعلق شیڈول کا جلد اعلان کیا جائے گا۔
وزیر اعلیٰ خیبرپختونخوا محمد سہیل آفریدی سے پی ٹی آئی سندھ کے کارکنان اور عمران خان رہائی تحریک کے کنوینئرز پر مشتمل وفد کی ملاقات
