ایل ڈی اے کے زیر اہتمام ایل ڈی اے سپورٹس کمپلیکس جوہرٹاﺅن میں 6 اہم سڑکوں کو کمرشل کرنے اور ماحولیات کے متعلق عوامی شنوائی کا انعقاد کیا گیا۔عوامی شنوائی میں چیف ٹاون پلانر ون اسدالزمان اور چیف ٹاؤن پلانر ٹو اظہرعلی، سینئر ٹاون پلانرنیسپاک ودیگر افسران نے شرکت کی۔اس موقع پر چیف ٹاون پلانر ایل ڈی اے نے کہا کہ ایل ڈی اے نے شہری ضروریات کے پیش نظر 6 اہم سڑکوں کو کمرشل کرنے کا فیصلہ کیا ہے۔سبزہ زار لیاقت چوک تاملتان روڈ،کالج روڈ غازی چوک تایو ای ٹی گول چکر،ڈیفنس روڈ بھوبتیاں چوک تا کاہنہ سڑکوں کو کمرشل کیا جا ئے گا۔جی ٹی روڈ قائداعظم انٹر چینج تا بی آر بی کینال،ایل او ایس فیروز پورروڈ تا ملتان روڈاوربرکی روڈ رِنگ روڈ تا بی آربی کینال سڑکوں کو کمرشل کیا جا ئے گا۔عوامی شنوائی میں ایل ڈی اے افسران نے شہریوں کے سوالوں کے جوابات بھی دیئے۔چیف ٹاؤن پلانر ایل ڈی اے نے اس موقع پر کہا کہ شہریوں کی سفارشات اور بہتری کی تجاویز کو شامل کیا جائے گا۔ شہریوں نے سڑکوں کو کمرشل کرنے کے متعلق ایل ڈی اے کے اقدامات کو سراہا۔عوامی شنوائی میں شہریوں نے کثیر تعداد میں شرکت کی۔عوامی شنوائی میں ایل ڈی اے،نیسپاک اور محکمہ ماحولیات کے افسران نے بھی شرکت کی۔
