وزیراعلی پنجاب ہدایات کے مطابق صاف شہر سرسبز لاہور مشن پر عملدرآمد۔ کمشنر لاہور ڈویژن مریم خان نے استنبول چوک تا سگیاں مختلف پوائنٹس کا دورہ کیا۔ کمشنر لاہور نے صفائی، گرین بیلٹس، ڈی سلٹنگ، پاٹ ہولز مرمت، کرب سٹون و زیبرا کراسنگ پینٹ کا جائزہ لیا۔ اس موقع پر ڈی سی لاہور سید موسٰی رضا، سی ای او ایل ڈبلیو ایم سی بابر صاحبدین بھی ہمراہ موجود تھے۔ صاف سر سبز لاہور کے لئے ایل ڈبلیو ایم سی، پی ایچ اے، ٹیپا، ایم سی ایل سمیت دیگر محکمے مصروف عمل ہیں۔ اے سی سٹی لاہور رائے بابر نے بریفنگ دی۔کمشنرلاہورڈویژن مریم خان نے کہا ہے کہ وزیراعلی پنجاب کی ہدایات کے مطابق شہر کی صفائی، خوبصورتی/گرینری پر انتظامیہ کا مکمل فوکس ہے، صفائی کے بعد سڑکوں کو پانی سے دھویا جارہا ہے جو کہ سموگ آلودگی تدارک میں معاون ہے، انہوں نے کہا کہ شہر سے گزرنے والے نالوں کے گرد 45ہزار پودے لگائے جائیں گے، جس میں سے 15ہزار پودے لگائے جا چکے ہیں۔ کمشنر لاہور نے کہا کہ لاہور کے ہر ایریا پر یکساں فوکس ہے صاف شہر شہریوں کا حق ہے، ہر تحصیل سے ایریاز کی فہرستوں کے مطابق ایریاز کی امپروومنٹ/بیوٹیفکیشن کو چیک کیا جارہا ہے، روزانہ کی بنیاد پر پلان کے مطابق مختلف علاقوں کے دورے کر کے امپروومنٹ کا جائزہ لیا جارہا ہے۔ کمشنرلاہور نے کہا کہ وزیراعلی پنجاب کی اولین ترجیحات میں سرسبز لاہور/صاف ستھرا لاہور شامل ہیں، راونڈ دی کلاک ورکنگ سے وزیراعلی پنجاب کی ہدایات پر من وعن عملدرآمد کو یقینی بنایا جائے گا۔ کمشنر لاہور نے مزید کہا کہ شہر میں لائٹس، گرین بیلٹس مرمت و بحالی کو ٹائم لاینز اور ڈیڈلائن کے مطابق مکمل ہونا چاہئے، ہر ایریا کی میونسپل سروسز مستقل فیچر ہے فیلڈ ٹیمیں مسلسل متحرک رکھیں۔
کمشنر لاہور نے اہلکاروں کی حوصلہ افزائی کرتے ہوئے کہا کہ انتظامی ٹیم پوری فارم میں ہے۔
