حکومت سندھ نے لوکل گورنمنٹ، ہاؤسنگ و ٹاؤن پلاننگ کے دو ڈپٹی سیکرٹریز کو تبدیل کر دیا ہے۔سیکرٹری سروسز اینڈ جنرل ایڈمنسٹریشن سندھ کی جانب سے جاری نوٹیفکیشنز کے مطابق قربان علی سومرو ڈپٹی سیکرٹری لوکل گورنمنٹ کو ڈپٹی سیکرٹری انویسٹمنٹ ڈیپارٹمنٹ تعینات کردیا گیا ہے۔
عبدالجبار عباسی ڈپٹی سیکرٹری لوکل گورنمنٹ کو ڈپٹی سیکرٹری انکوائریز اینڈ اینٹی کرپشن اسٹیبلشمنٹ لگا دیا گیا ہے۔آفتاب احمد بزدار ڈپٹی سیکرٹری انویسٹمنٹ اور طاہر جمال ڈپٹی سیکرٹری انکوائریز اینڈ اینٹی کرپشن اسٹیبلشمنٹ کی ڈپٹی سیکرٹری لوکل گورنمنٹ، ہاؤسنگ اینڈ ٹاؤن پلاننگ سندھ تقرریوں کے احکامات جاری کئے گئے ہیں۔
