ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی کمرشل عمارتوں اورکمرشل فیس نادہندگان املاک کے خلاف متحرک ہے۔ ایل ڈی اے ٹیموں نے 
مختلف سکیموں اور ایل ڈی اے کنٹرولڈ ایریا میں آپریشن کرکے54املاک سربمہر کر دیں۔ایل ڈی اے ٹیموں نے گلشن راوی، سمن آباد، نیوگارڈن ٹاؤن، علامہ اقبال ٹاؤن میں آپریشن کیا۔ ٹیموں نے غیرقانونی کمرشل استعمال، کمرشل فیس کی عدم ادائیگی پرگلشن راوی، سمن آباد میں 19املاک، نیو گارڈن ٹاؤن میں 15املاک سربمہرکر دیں۔ایل ڈی اے ٹیموں نے ریکوری آپریشن کے دوران علامہ اقبال ٹاؤن میں 20املاک سیل کر دیں۔ سیل کی گئی املاک میں بینک، نجی سکول، گراسری سٹور،کلینک،شوروم،ورکشاپ، سیلون، فوڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان کی زیر نگرانی کیا گیا۔ ڈی جی ایل ڈی اے کی ہدایت پر غیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری ہیں۔
*غیر قانونی کمرشل عمارتوں کے خلاف ایل ڈی اے ٹاؤن پلاننگ ونگ متحرک،مختلف سکیموں میں 54املاک سربمہر*
