ڈی جی ایل ڈی اے طاہر فاروق کی ہدایت پر ایل ڈی اے ٹیموں نے ایل ڈی اے سٹی کے نوٹیفائیڈ ایریا میں غیرقانونی تعمیرات،تجاوزات کے خلاف آپریشن کر کے200کنال سے زائدقیمتی اراضی کلیئر کروا لی۔ ایل ڈی اے ٹیموں نے ایل ڈی اے سٹی نوٹیفائیڈ ایریا، چناب روڈ کے رائٹ آف وے پرموجودسٹرکچرزمسمارکردیا۔جھیڈو روڈ پر زیر تعمیر 4 سٹرکچرز اور 6 باؤنڈری والز کو بھی مسمار کر دیا۔ایل ڈی اے سٹی نوٹیفائیڈ ایریا میں غیر قانونی کاشت کرنے کے خلاف کارروائی کرکے 200 کنال اراضی کو کلیئر کروالیا۔ایڈیشنل ڈی جی یو پی خرم شہزاد کی سربراہی میں آپریشن ڈائریکٹر ایل ڈی اے سٹی حفیظ اللہ نے کیا۔ آپریشن میں ایل ڈی اے انفورسمنٹ اور پیرا فورس نے حصہ لیا۔ڈی جی ایل ڈی اے کی ہدایت پر غیر قانونی تعمیرات وتجاوزات کے خلاف آپریشن جاری رہے گا۔
