وزیر اعلیٰ گلگت بلتستان امجد حسین کی زیر صدارت لوکل گورنمنٹ ایکٹ میں ضروری ترامیم تجویز کرنے کے حوالے سے اعلیٰ سطحی اجلاس منعقد ہوا، جس میں صوبائی وزیر بلدیات ذوالفقار علی مراد، ڈپٹی سپیکر ملک کفایت الرحمن، ممبر اسمبلی جسٹس (ر) صاحب خان، سیکریٹری بلدیات اور سیکریٹری اسمبلی سمیت دیگر متعلقہ آفیسران نے شرکت کی۔ اجلاس کے دوران صوبائی سیکریٹری بلدیات نے ایکٹ میں تجویز کردہ ترامیم پر تفصیلی بریفنگ دی۔ اجلاس سے گفتگو کرتے ہوئے وزیر اعلیٰ نے کہا کہ بلدیاتی انتخابات سیاسی نظام کی مضبوطی، نچلی سطح تک اختیارات کی منتقلی اور نئی لیڈر شپ کی تیاری کے لیے انتہائی اہم ہیں۔ وزیر اعلیٰ نے کہا کہ حکومت کی ترجیح خطے میں ایک مساوی اور مثالی بلدیاتی نظام متعارف کرانا ہے۔ موثر بلدیاتی نظام کیلئے بلدیاتی وارڈز میں 50 فیصد سیٹوں کے اضافے اور الیکشن کمیشن کو ضرورت کے مطابق حد بندی (ڈی لمٹیشن) کرے گا۔ ضروری ترامیم کے بعد تیار کردہ بل پارلیمانی کمیٹی کے ذریعے ایوان میں پیش کیا جائے گا، اور تمام سیاسی جماعتوں سے مشاورت کے بعد ایک بہترین قانون سازی کے تحت بلدیاتی انتخابات کا انعقاد ممکن بنایا جائے گااور بلدیاتی انتخابات کے عمل سے مقامی سطح پر قیادت ابھرے گی۔
بہترین قانون سازی کے تحت بلدیاتی انتخابات کا انعقاد ممکن بنایا جائے گا، وزیر اعلٰی گلگت بلتستان امجد حسین
