کمشنر لاہور زید بن مقصود کی زیر صدارت اشیائے خورونوش کی قیمتوں پر کنٹرول کے حوالے سے اجلاس منعقد ہوا۔ کمشنر لاہور نے منڈی میں نیلامی تا بازار میں فروخت قیمت کے تعین کرنے والے عناصر کا جائزہ لیا۔ کمشنر لاہور زید بن مقصود نے کہا کہ جامع پرائس میکانزم کے تحت اشیائے خورونوش کی مقررکردہ قیمتوں کا نفاذ ضروری ہے۔ کمشنر لاہور نے ڈی سی لاہور رافعہ حیدر اور سیکرٹری کمیٹی سے اعداد وشمار پر تفصیلی بریفنگ لی۔
کمشنر لاہور نے کہا کہ پرائس کنٹرول مجسٹریٹوں کا روزانہ کی بنیاد پر بازار میں قیمتوں کو چیک کرنا لازمی ہے۔ کمشنر لاہور نے ہدایت کی کہ تمام اے سیز روزانہ کی بنیاد پر بازاروں میں چیکنگ کو مانیٹر کریں۔ رپورٹ دیں۔ کمشنر لاہور نے کہا کہ حکومت پنجاب کی ہدایات و ضلعی سطح پر مقررکردہ نرخناموں کے مطابق بازار میں عملدرآمد کو سخت کریں۔ روزانہ کا سرکاری نرخنامہ ہر دکان اور مارکیٹ میں موجود ہونا چاہئیے۔ اس پر زیرو ٹالرنس ہوگی۔ انہوں نے کہا کہ ایگریکلچر مارکیٹ کمیٹی روزانہ کے سرکاری نرخناموں کی دستیابی کویقینی بنائے۔ کمشنر لاہور نے کہا کہ تمام دکانوں، ریڑھیوں اور مارکیٹس میں سرکاری نرخنامے آویزاں ہونے چاہئیں۔ اجلاس میں ڈی سی لاہور رافعہ حیدر، اے ڈی سی آر لاہور، اے ڈی سی جی لاہور، اے سی ز اور سیکرٹری ایگریکلچر مارکیٹ کمیٹی لاہور نے شرکت کی۔
