کمشنر لاہور مریم خان و ڈی سی لاہور کیپٹن ر علی اعجاز کا پری مون سون انتظامات جائزہ کیلئے واسا ہیڈ آفس دورہ

کمشنر لاہور مریم خان و ڈی سی لاہور کیپٹن ر علی اعجاز نے پری مون سون انتظامات جائزہ کیلئے واسا ہیڈ آفس دورہ کیا۔ انہوں نے واسا کمانڈ اینڈ کنٹرول و راونڈ دی کلاک مانیٹرنگ سنٹر کا بھی دورہ کیا۔ کمشنر لاہور نے رین مانیٹرنگ ڈیش بورڈ، لائیو انڈر پاسز کیمرہ مانیٹرنگ، ڈسپوزل اسٹیشن مانیٹرنگ کا جائزہ لیا۔ اس موقع پر ایم ڈی واسا غفران احمد نے واسا آپریشنز، شکایات ازالہ، واٹر سپلائی پر فل ہاؤس بریفنگ دی۔ کمشنر لاہور نے شہری شکایات ازالہ سسٹم، فوری و سو فیصد ردعمل اور میکانزم کا خصوصی جائزہ لیا۔ انہوں نے نے کہ وزیراعلی پنجاب کی ترجیح شہری شکایات و مسائل کا بروقت و مکمل ازالہ ہے۔ کمشنر لاہور نے واسا ماسٹر پلان 2018.50 کا مستقبل چیلنجز کے حوالے سے جائزہ لیا۔بعد ازاں کمشنر لاہور نے نسبت روڈ پر زیر تعمیر 4ملین گیلن انڈرگراونڈ سٹوریج پراجیکٹ کا بھی دورہ کیا۔ انہوں نے ڈسپوزل اسٹیشنز، انڈر گراونڈ سٹوریج کپیسٹی، بھاری مشینری و افرادی وسائل کا جائزہ لیا۔ اس موقع پر ایم ڈی واسا غفران احمد نے بریفنگ دیتے ہوئے کہا کہ انڈر گراونڈ سٹوریج واٹر زمین میں بھی ڈسچارج ہوتا ہے۔کمشنر لاہور نے انڈرگراونڈ سٹوریج ٹینک نسبت روڈ پر تیزی سے کام جاری و جلد از جلد مکمل کرنے کی ہدایت کی۔