عیدالفطر پہلا روز۔ کمشنر لاہور مریم خان نے سی سی پی او لاہور بلال صدیق کمیانہ اور ڈی سی لاہور کیپٹن ر علی اعجاز کے ہمراہ اولڈ ایج ہوم ٹاون شپ کا دورہ کیا۔ کمشنر لاہور و سی سی پی او لاہور نے اولڈ ایج ہوم میں مقیم خواتین و افراد کو عید کی مبارک باد دی عید کی مٹھائی اور تحائف پیش کیے۔ اولڈ ایج ہوم افراد اور بچوں کے چہرے خوشی سی جگمگا اٹھے۔ کمشنر لاہور و ضلعی انتظامیہ نے محکمہ سوشل ویلفیئر کے زیرانتظام بچوں کی اقامت گاہ کا بھی دورہ کیا۔ کمشنرلاہور نے سوشل ویلفئر کی اقامت گاہ میں مقیم بچوں کو عید کے تحائف، کھلونے اور مٹھائی پیش کی۔اس موقع پر کمشنرلاہور نے گفتگو کرتے ہوئے کہا کہ عید کی حقیقی خوشی اولڈ ایج ہوم کے افراد سے مل کر ہوئی ہے، عید کی حقیقی مسرت سب کو عید کی خوشیوں میں شامل کرنے سے حاصل ہوتی ہے۔ کمشنر لاہور نے کہا کہ وزیراعلی پنجاب اولڈ ایج افراد اور بچوں کی ویلفیئر، تحفظ اور صحت کیلئے خصوصی اقدامات اٹھا رہی ہیں۔
