نادرا ٹیکنالوجیز اور انفوکام ٹیکنالوجیز کے درمیان ملکی اور بین الاقوامی سطح پر پاکستان کی ڈیجیٹل مصنوعات کو فروغ دینے کا معاہدہ

نادرا ٹیکنالوجیز (این ٹی ایل) اور انفوکام ٹیکنالوجیز (آئی سی ٹی) کے درمیان ملکی اور بین الاقوامی سطح پر پاکستان کی ڈیجیٹل مصنوعات کو فروغ دینے کا معاہدہ، مختلف شعبوں میں پاکستانی مصنوعات کی مارکیٹنگ کی جائے گی۔ڈیجیٹل شناخت، بائیومیٹرک، آرٹیفشل انٹیلی جنس اور فن ٹیک کی خدمات پاکستان میں نجی اور سرکاری اداروں کو بھی پیش کی جائیں گی۔این ٹی ایل کا شمار پاکستان میں ٹیکنالوجی کے صف اول کے اداروں میں ہوتا ہے جبکہ آئی سی ٹی بین الاقوامی سطح پر موجود ہے اور سسٹم انٹیگریشن کے شعبے میں قابل ذکر صلاحیتوں کا حامل ہے۔ اس معاہدے کی بدولت دونوں ادارے مل کر عالمی مارکیٹ کے مختلف شعبوں میں پاکستان کی ڈیجیٹل مصنوعات کو فروغ دینے کے لئے کام کریں گے۔ اس اشتراک کے تحت مختلف ممالک کی حکومتوں اور اداروں کو خدمات کی فراہمی کے نظاموں کو جدید خطوط پر استوار کرنے اور ڈیجیٹل شمولیت بہتربنانے میں مدد دی جائے گی۔