اجلاس میں شعبہ تعلیم میں جاری اصلاحات پر پیش رفت کا جائزہ اور مجوزہ اقدامات پر تفصیلی تبادلہ خیال کیا گیا۔انٹر ڈسپلنری ریسرچ سینٹر کے قیام کے لیے 50 کروڑ روپے جاری کرنے کی ہدایت کی گئی۔شرح خواندگی بڑھانے کے لیے دور دراز علاقوں میں کمیونٹی اسکولوں کے قیام سے اتفاق ہوا۔ڈبل شفٹ اسکول پروگرام میں توسیع اور آئی ٹی و اے آئی کورسز کے اجرا کی منظوری بھی دے دی گئی۔وزیراعلیٰ خیبرپختونخوا محمد سہیل آفریدی نے تجاویز کوحتمی شکل دینے کے لیے تفصیلی اجلاس طلب کرنے اور لائحہ عمل جلد مکمل کرنے،اصلاحات پر عملدرآمد کے لیے فالو اپ اجلاس اور رابطہ کمیٹی تشکیل دینے کی ہدایت بھی کی۔ای ٹرانسفر پالیسی، یکساں نصاب، سیمسٹر سسٹم، مانیٹرنگ، ٹیچرز ٹریننگ، سکول بیسڈ اسسمنٹ، ورچوئل اسکولنگ اور اے آئی کورسز پر اطمینان کا اظہار کیا گیا۔شرح خواندگی میں اضافے، جدید رجحانات کے فروغ اور تعلیم تک یکساں رسائی کے لیے فریم ورک پر غور کیا گیا۔وزیراعلیٰ نے کہا کہ تعلیم اور صحت پر خصوصی توجہ کے مثبت نتائج سامنے آ رہے ہی، صحت اور تعلیم براہ راست عوام سے منسلک شعبے ہیں۔حکومت Imran Khan کے وژن کے مطابق انسانی ترقی پر سرمایہ کاری کر رہی ہے، ہمارا ہدف ہے کہ کوئی بچہ تعلیم کے بنیادی حق سے محروم نہ رہے۔اجلاس میں سلمان اکرم راجا، ارشد ایوب، ماہرین تعلیم اور محکمہ تعلیم کے اعلیٰ حکام شریک ہوئے۔
وزیراعلیٰ خیبرپختونخوا محمد سہیل خان آفریدی کے زیرِ صدارت شعبہ تعلیم میں اصلاحات سے متعلق اہم اجلاس!
