وزیر اعلیٰ خیبرپختونخوا محمد سہیل آفریدی کے زیر صدارت لیبر ڈیپارٹمنٹ کا اہم اجلاس منعقد ہوا، جس میں مزدوروں کی فلاح و بہبود کے لیے قانونی و ادارہ جاتی فریم ورک، اصلاحاتی اقدامات اور آئندہ لائحہ عمل پر تفصیلی غور کیا گیا۔اجلاس میں مزدوروں کی سوشل سیکیورٹی رجسٹریشن کو مزید بہتر بنانے کی ضرورت پر اتفاق کیا گیا۔وزیر اعلیٰ نے واضح کیا کہ صوبائی حکومت کی مقرر کردہ کم از کم اجرت پر مکمل عملدرآمد ناگزیر ہے۔بریفنگ میں بتایا گیا کہ گڈ گورننس ایجنڈے کے تحت رجسٹریشن ہدف مقررہ مدت سے پہلے حاصل کر لیا گیا ہے، جبکہ یکم مئی تک نمایاں اضافہ یقینی بنایا جائے گا۔لیبر کورٹس کی تعداد میں اضافے کی ضرورت پر بھی اتفاق کیا گیا، اور وزیر اعلیٰ نے معاملہ متعلقہ فورم پر اٹھانے کی ہدایت دی۔مزدوروں کے لیے پشاور میں تعمیر شدہ رہائشی فلیٹس کی الاٹمنٹ کے لیٹرز جلد جاری کیے جانے سے متعلق بھی آگاہ کیا گیا۔
وزیر اعلیٰ خیبرپختونخوا محمد سہیل آفریدی کی زیر صدارت لیبر ڈیپارٹمنٹ کا اہم اجلاس
