وزیراعلی پنجاب کی ہدایات کے مطابق کمشنر لاہور ڈویژن مریم خان کے اضلاع کے دورے جاری ہیں۔ کمشنر لاہور مریم خان نے تحصیل سانگلہ ہل ننکانہ صاحب اور دیہاتی تحصیلوں کے مختلف علاقوں کا دورہ کیا۔ کمشنر لاہور نے دیہات 118چک، ٹی ایچ کیو ہسپتال، امتحانی مراکز و سکولز اور سٹارم واٹر ڈرینز پراجیکٹس کا دورہ کیا۔ انہوں نے اوپن جوہڑوں کی ڈی سلٹنگ کے بعد ری فلنگ آپریشنز کا بھی جائزہ لیا۔ کمشنر لاہور ڈویژن مریم خان نے کہا کہ وزیراعلی پنجاب کے وژن کے مطابق شہروں و دیہاتوں میں میونسپل اور صفائی کا معیار یکساں ہیں، رول ایریاز میں سیوریج نالیوں کی باقاعدہ روزانہ ڈی سلٹنگ و صفائی ناگزیر ہے۔ آمدہ مون سون تیاریوں کو مکمل رکھیں، سٹارم واٹر ڈرینز کو ڈیڈ لائنز کے مطابق مکمل کریں۔ کمشنر لاہور نے انتظامیہ کو ہدایت دیتے ہوئے کہا کہ ہل پارک سانگلہ ہل میں پاکستان کی بلند ترین آبشار کیلئے ابتدائی پلاننگ کریں، جھیل کے پانی کو پہاڑی آبشار کیصورت میں خوبصورتی میں اضافہ کے ساتھ ری یوٹیلائز کیا جاسکتا ہے۔بعدازاں کمشنر لاہور نے ٹی ایچ کیو ہسپتال سانگلہ ہل ضلع ننکانہ صاحب کا دورہ کیا۔ انہوں نے ایمرجنسی، میل و فی میل وارڈز کا دورہ کیا۔ کمشنر لاہور نے ہسپتال میں ادویات کی فری فراہمی، مریضوں کی نگہداشت اور ہسپتال کی ڈیپ کلیننگ کا جائزہ لیا۔ کمشنر لاہور نے گرلز ہائی سکول سانگلہ ہل کا بھی دورہ کیا اور طالبات سے انٹرایکٹو سیشن کیا۔
کمشنر لاہور مریم خان کا تحصیل سانگلہ ہل ننکانہ صاحب اور دیہاتی تحصیلوں کے مختلف علاقوں کا دورہ
