تاریخ میں پہلی مرتبہ بڑے محصولاتی ہدف کے تعاقب کیلئے پی آر اے متحرک ہے۔ چیئرمین پنجاب ریونیو اتھارٹی معظم اقبال سپرا کی زیر صدارت کارکردگی جائزہ اجلاس میں بڑے فیصلے کیے گئے۔ مسلسل قوانین کی خلاف ورزیاں کرنیوالی فوڈ چینز کی مانیٹرنگ کے دوران ملٹی نیشنل فوڈ چینز بھی ملوث پائی گئیں۔چیئرمین پی آر اے کی فوری کریک ڈاؤن کی ہدایت، سابقہ ہدایات پر عمل نہ کرنیوالوں کیخلاف کارروائی کی جائے۔ ڈیجیٹل مانیٹرنگ، ڈیٹا اینالیٹکس اور پوائنٹ آف سیل سسٹمز کے ذریعے کاروباری سرگرمیوں کی نگرانی کی جا رہی ہے۔ ٹیکس فراڈ میں ملوث عناصر کے خلاف جرمانوں، ریکوری اور قانونی کارروائیوں میں تیزی لائی گئی ہے۔ چیئرمین پی آر اے نے واضح کیا کہ خزانے کو نقصان پہنچانے والے عناصر کے خلاف بلاامتیاز کارروائی یقینی بنائی جائے گی۔ ریونیو اہداف کے حصول کیلئے انفورسمنٹ، آڈٹ اور ٹیکنالوجی کے استعمال کو مزید موثر بنایا جائے گا۔
*مسلسل قوانین کی خلاف ورزیاں کرنیوالی فوڈ چینز کی مانیٹرنگ،ملٹی نیشنل فوڈ چینز بھی ملوث,چیئرمین پی آر اے*
