کمشنر لاہور ڈویژن مریم خان کی زیر صدارت کھیوٹ تقسیم اور ریونیو امور پر اہم اجلاس منعقد ہوا۔ اجلاس میں لاہور ڈویژن چاروں اضلاع کے ڈپٹی کمشنرز نے شرکت کی۔ ڈی جی پی ایل آر اے پنجاب اکرام الحق نے ریونیو ڈیٹا ڈیجیٹائزیشن پر تفصیلا بریفنگ دی۔کمشنرلاہورڈویژن مریم خان کی زیر صدارت اجلاس میں کھیوٹ تقسیم اور ریونیو امور کے حوالے سے ایڈیشنل کمشنرز لاہور و اے ڈی سی آرز پر مشتمل کمیٹی تشکیل دی گئی۔ کمشنر لاہور مریم خان نے تمام اضلاع کو تقسیم کیسز کے اہداف دے دئیے۔ انہوں نے کہا کہ تمام اے ڈی سی آرز روزانہ کی بنیاد پر کھیوٹ تقسیم پر تمام ریونیو افسران سے کارکردگی جواب لیں، ہر دو روز کے بعد ڈویژنل سطح سے جواب کارکردگی لیا جائیگا، حکومت پنجاب اور بورڈ آف ریونیو کے ریونیو مسائل حل کیلیے احکامات پر زیرو ٹالرنس ہوگی۔ کمشنر لاہور نے کہا کہ حکومت پنجاب شہریوں کو ریونیو امور پر جدید پیمانے پر سہولیات مہیا کررہی ہے، ریونیو ڈیجیٹائزیشن انقلابی پروگرام ہے، شہریوں کو بہت بڑا ریلیف مل رہا ہے۔اجلاس میں ڈی سی لاہور کیپٹن ریٹائرڈ علی اعجاز، ڈی سی شیخوپورہ، ننکانہ، قصور سمیت تمام ایڈیشنل کمشنرز اور اے ڈی سی آرز نے شرکت کی۔
