کمشنر لاہور مریم خان و سی سی پی او لاہور بلال صدیق کمیانہ کی کاہنہ میں شہید بچوں کے گھر آمد. بچوں کے والدین و لواحقین کے ساتھ دعائے فاتحہ کی، لواحقین کے لیے صبرِ جمیل جبکہ زخمیوں کی جلد صحت یابی کی دعا کی۔ اس موقع پر ڈی سی لاہور کیپٹن ریٹائرڈ علی اعجاز بھی ہمراہ موجود تھے۔ کمشنرلاہور و سی سی پی او لاہور اور ڈی سی لاہور نے والدین کے ساتھ اظہار افسوس کیا۔ انہوں نے غم سے نڈھال والدین و رشتہ داروں کو حوصلہ دیا۔ سی سی پی او لاہور نے کہا کہ ”الفاظ میں دکھ بیان نہیں ہوسکتا“۔ آپ کے دکھ میں برابر کے شریک ہیں۔اس موقع پر گفتگو کرتے ہوئے کمشنر لاہور مریم خان نے کہا ہے کہ سانحہ کاہنہ کی تحقیقات جاری ہیں، ہر پہلو کو مدنظر رکھ کر رپورٹ مرتب ہوگی۔ انہوں نے کہا کہ وزیراعلی پنجاب والدین کے دکھ میں برابر کی شریک ہیں اور سانحہ پر انتہائی رنجیدہ ہیں۔کمشنرلاہور نے کہا کہ ہسپتال میں داخل زخمی بچوں کو بہترین طبی و علاج معالجے کی سہولیات فراہم کیجارہی ہیں۔
*سانحہ کاہنہ کی تحقیقات جاری ہیں۔ہر پہلو کو مدنظر رکھ کر رپورٹ مرتب ہوگی۔کمشنر لاہور*
