وزیرِ اعلیٰ پنجاب مریم نواز شریف کے ویژن ستھرا پنجاب کے تحت شہر کے مضافاتی علاقوں میں صفائی کی بہترین سہولیات فراہمی یقینی بنانے کے لیے ستھرا پنجاب کی صفائی ٹیمیں متحرک ہیں۔ڈی جی ستھرا پنجاب اتھارٹی بابر صاحب دین کی ہدایت پرواہگہ ٹاؤن میں321 آپریشنل گاڑیوں اور 1464 سے زائد صفائی عملہ کی مدد سے خصوصی صفائی آپریشن کیا گیا۔موثر صفائی انتظامات کے تحت ستھرا پنجاب کے 100 سے زائد لوڈر رکشے واہگہ ٹاؤن کی دیہی یونین کونسلز میں صفائی اور ڈور ٹو ڈور ویسٹ کولیکشن پر مامور ہیں۔ستھرا پنجاب صفائی ٹیموں نے شادی پورہ، مومن پورہ، گل بہار ٹاؤن، ڈیرہ گجراں اور ہندو گجراں سمیت 22 ہاٹ اسپاٹس ایریاز اور خالی پلاٹس کی کلیئرنس مکمل کی جبکہ سلطان محمود روڈ، دلشاد اسٹریٹ، کریم بازار، محمود بوٹی، جی ٹی روڈ، بند روڈ اور بسی موڑ میں کنٹینرز کلیئرنس اور مینوئل سویپنگ کا عمل یقینی بنایا گیا۔مناواں،جلو موڑ، فیصل بازار، گھرکی روڈ، خیراں پل، ڈھائیل گاؤں اور واہگہ گاؤں میں ہیوی مشینری کے ذریعے ویسٹ کلیئرنس کا عمل جاری ہے۔مزید برآں جلو پارک،جلو گاؤں،با ٹاپور اور تیج گڑھ میں ستھرا پنجاب کا عملہ صفائی ستھرائی پر مامور ہے۔ڈی جی بابر صاحب دین کا اس حوالے سے کہنا ہے کہ لاہورکے تمام ٹاؤنز کو مرحلہ وار زیرو ویسٹ بنانے کے اقدامات جاری ہیں۔شہریوں سے بھی گزارش ہے کہ صفائی ٹیموں کا ساتھ دیں۔صفائی سے متعلق شکایات کے فوری ازالے کے لیے ستھرا پنجاب کی ہیلپ لائن 1139 پر رابطہ کریں یا سوشل میڈیا کا استعمال کریں۔
واہگہ ٹاؤن میں321 آپریشنل گاڑیوں اور 1464 سے زائد صفائی عملے نے 22 ہاٹ سپاٹ ایریاز کلئیر کر دیئے
