عید میلادالنبی کے موقع پر کمشنرلاہور ڈویژن نعمان یوسف نے تمام امت مسلمہ کو مبارکباد دی۔ کمشنر لاہور نے کہا ہے کہ وجہہ تخلیق کائنات کی ولادت با سعادت کا آج مبارک ترین دن ہے، حضرت محمد خاتم النبیین سے محبت ایمان کی شرط اول ہے۔ انہوں نے کہا کہ حضرت محمد آقا نے انسان کو انسان کی غلامی سے نجات دلائی اور ایک اللہ کے بندگی کی ہدایت فرمائی، حضور اکرم نے دنیا کو امن،محبت،رواداری اور انسان دوستی کا پیغام دیا۔ کمشنر لاہور نے کہا کہ نبی آخر الزماں کی تعلیمات پر عمل پیرا ہوکر معاشرے سے ظلم وزیادتی ،ناانصافی بدامنی کا خاتمہ کیا جاسکتا ہے، خاتم النبیین نے اپنے کردار اور حسن اخلاق سے دنیا کی کایا پلٹ دی۔ کمشنر لاہور نے مزید کہا کہ آج لاہور ڈویژن میں عید میلادالنبی کی محافل اور جلوس جاری ہیں، جلوسوں اور محافل کیلئے میونسپل انتظامات کو یقینی بنایا گیا ہے۔
*نبی آخر الزماں کی تعلیمات پر عمل پیرا ہوکر معاشرے سے ظلم وزیادتی،ناانصافی بدامنی کا خاتمہ کیا جاسکتا ہے،کمشنرلاہور*
