بلدیاتی اداروں کے ملازمین اور پنشنرز گزشتہ چار پانچ سالوں سے فرسودہ اکاؤنٹنگ سسٹم پرسنل لیجر اکاؤنٹ کو مصنوعی نظام تنفس کے ذریعے چلایا جاتا رہا ہے۔کبھی ایک مہینہ کی توسیع اور دو مہینوں کی توسیع دی جاتی رہی جب کہ بلدیاتی اداروں کے پاس فنڈز کی عدم دستیابی اور صوبائی حکومت کی طرف سے عدم توجہی کی وجہ سے فنڈز کی فراھمی نہ ہونے سے بلدیاتی ملازمین اور پنشنرز کئی کئی مہینوں سے تنخواہوں اور پنشن سے محروم چلے آ رہے ہیں اور ان کے بچے فاکوں سے دوچار ہیں مگر ان کا کوئی پرسان حال نہیں تھا۔ گورنر راج کے نفاذ سے بلدیاتی ملازمین اور پنشنرز کو تنخواہوں اور پنشن کی ادائیگی کی امید کی کرن نظر آئی ہے۔ لوکل گورنمنٹ ایمپلائز فیڈریشن رجسٹرڈ خیبرپختونخوا اور لوکل گورنمنٹ ورکرز فیڈریشن رجسٹرڈ خیبرپختونخوا پر مشتمل لوکل گورنمنٹ گرینڈ الائنس خیبرپختونخوا کی ایکشن کمیٹی نے گورنر خیبرپختونخوا فیصل کریم کنڈی سے پرزور مطالبہ کیا ہے کہ بلاتاخیر بلدیاتی اداروں کے ملازمین اور پنشنرز کی تنخواہوں اور پنشن کی مستقل بنیادوں پر بروقت ادائیگی یقینی بنانے کے لئے فوری احکام صادر کرکے بلدیاتی ملازمین اور پنشنرز کے بچوں کو فاکوں سے نجات دلائی جائے۔
فرسودہ اکاؤنٹنگ سسٹم پرسنل لیجر اکاؤنٹ کو یکسر مسترد کیا جاتا ہے،لوکل گورنمنٹ گرینڈ الائنس خیبرپختونخوا
