ڈی سی لاہور سید موسیٰ رضا نے اڈہ پلاٹ اور رائیونڈ کے ملحقہ علاقے کا دورہ کرتے ہوئے صفائی ستھرائی، ڈینگی سرویلنس، قائم عارضی تجاوزات اور دیگر انتظامات کا باریک بینی سے جائزہ لیا۔گورنمنٹ فار بوائز ہائی سکول آرائیاں میں صفائی ستھرائی اور دیگر معاملات کا بغور معائنہ کیا اور بچوں سے سہولیات بارے دریافت کیا گیا۔ڈپٹی کمشنر لاہور نے کہا کہ ڈینگی سرویلنس میں نجی ہاؤسنگ سوسائٹیز کا تعاون لازمی، ورنہ سخت کارروائی کی جائے گی۔انھوں نےایل ڈبلیو ایم سی کو نجی پارک میں صفائی کے معیار میں بہتری لانے کی واضح ہدایات جاری کیں، جبکہ محکمہ سپورٹس کو فوری طور پر پارک کی حالت بہتر کرنے کا حکم دیا گیا۔
