محمد سہیل خان آفریدی نے ایک ہی روز ورسک روڈ فلائی اوور کے بعد پلوسی فلائی اوور منصوبے کا بھی سنگِ بنیاد رکھ دیا

پشاور کی بحالی کا سفر تیزی سے آگے بڑھ رہا ہے۔وزیراعلیٰ خیبرپختونخوا محمد سہیل خان آفریدی نے ایک ہی روز ورسک روڈ فلائی اوور کے بعد پلوسی فلائی اوور منصوبے کا بھی سنگِ بنیاد رکھ دیا۔2.6 ارب روپے کی لاگت سے تعمیر ہونے والا پلوسی فلائی اوور پشاور ری وائیٹلائزیشن پلان کا اہم منصوبہ ہے، جو ملحقہ علاقوں میں ٹریفک کے دباؤ میں نمایاں کمی لائے گا اور شہری آمدورفت کو مزید تیز، محفوظ اور مؤثر بنائے گا۔ورسک روڈ اور پلوسی فلائی اوور رنگ روڈ فیز II کی تکمیل کے لیے کلیدی منصوبے ہیں، جو جدید، منظم اور ترقی یافتہ پشاور کی بنیاد مضبوط کر رہے ہیں۔ پشاور ری وائیٹلائزیشن پلان کے تحت ترقی کے وعدے اب عملی شکل اختیار کر رہے ہیں۔