وائس چیئرمین ایل ڈی اے میاں مرغوب احمد اور ڈی جی ایل ڈی اے طاہر فاروق نے پلانٹ فار پاکستان مہم کے تحت ٹاؤن شپ دفتر میں پودا لگایا۔اس موقع پر ڈی جی ایل ڈی اے طاہر فاروق نے کہا کہ ایل ڈی اے پلانٹ فار پاکستان مہم میں 2 لاکھ 15 ہزار سے زائد پودے لگا رہا ہے۔ایل ڈی اے نے گزشتہ چند روز میں 40 ہزار سے زائد پودے لگائے، 25 ہزار جیوٹیگ کیے گئے۔ایل ڈی اے نے چند روز میں شہریوں میں پندرہ ہزار سے زائد پودے تقسیم بھی کیے۔
وزیراعلی پنجاب کی ہدایت پر ایل ڈی اے کی شجر کاری کی خصوصی مہم جاری رہے گی۔ ڈی جی ایل ڈی اے طاہر فاروق نے کہا کہ ایل ڈی اے پرائیویٹ سکیموں کے تعاون سے ڈیڑھ لاکھ سے زائد پودے لگائے گا۔سسٹین ایبل ڈویلپمنٹ ماڈل کے تحت واک ویز اور فٹ پاتھ بنائے جا رہے ہیں۔وائس چیئرمین ایل ڈی اے میاں مرغوب احمد نے اس موقع پر گفتگو کرتے ہوئے کہا کہ صوبائی دارالحکومت میں ماحول دوست اقدامات کو فروغ دے رہے ہیں۔بعدازاں وائس چیئرمین ایل ڈی اے میاں مرغوب احمد اور ڈی جی ایل ڈی اے طاہر فاروق نے شہریوں میں پودے بھی تقسیم کیے۔شجرکاری کی خصوصی تقریب کا ایل ڈی اے انفورسمنٹ سکواڈ کی جانب سے کیا گیا۔اس موقع پر ایڈیشنل ڈی جی ہیڈکوارٹر، ایڈیشنل ڈی جی یوپی، چیف انجینئر ایل ڈی اے، چیف میٹرو پولیٹن پلاننگ،ڈائریکٹر انفورسمنٹ ایل ڈی اے، ڈائریکٹر انوائرمنٹ، ڈائریکٹر ایجوکیشن، ڈائریکٹر کچی آبادیز، ڈائریکٹر ہاؤسنگ 6, ڈپٹی ڈائریکٹر انفورسمنٹ، دیگر افسران اور ایل ڈی اے ورکر یونین کے عہدیداران بھی موجود تھے۔
