پی ایچ اے کا 27واں بورڈ آف ڈائریکٹرز اجلاس چیئرمین غزالی سلیم بٹ اور ڈی جی منصور احمد کی صدارت میں منعقد ہوا۔26ویں اجلاس کے منٹس کی منظوری دے دی گئی۔ اجلاس میں سپورٹس اور مکینیکل/الیکٹریکل سپروائزرز کے سروس ریگولیشنز میں ترامیم پر غور کیا گیا۔ ایڈیشنل ڈی جی ریسورس اور ڈائریکٹر ریسورس و آڈٹ کے عہدوں کی منظوری بھی دے دی گئی۔قانونی کارکردگی جانچ کمیٹی کے قیام کی منظوری دی گئی۔محکمہ پرائمری و سیکنڈری ہیلتھ سے اسٹاف میڈیکل کور کے لیے ایم او یو کا فیصلہ کیا گیا۔ہسپتالوں کے گرین ایریاز کی دیکھ بھال پی ایچ اے کرے گی، ہسپتال پی ایچ اے ملازمین کو رعایتی اور معیاری طبی سہولیات دے گا۔
ہاؤسنگ سوسائٹیز کے این او سی کی فیس 50 ہزار سے بڑھا کر 1 لاکھ روپے فی کنال کرنے کی منظوری دے دی گئی۔ہاؤسنگ سوسائٹیز کو نئے گھروں میں 10 مرلہ میں 2 پودے جبکہ 1کنال میں 4 پودے لگانے کی پابندی ہوگی۔ایل ڈی اے طرز پر میڈیکل سروس پرووائیڈرز کی رجسٹریشن پالیسی کی منظوری بھی دی گئی۔2025-26 آؤٹ ڈور ایڈورٹائزمنٹ ریٹس کی توثیق، اسٹیک ایڈز پر 10 فیصد اضافہ منظور کر لیا گیا ۔
ڈیجیٹل میڈیا کے فروغ کے لیے ڈیجیٹل ایڈز ریٹ میں کمی کی منظوری دی گئی ۔شاپ بورڈ فیشیا فیس کلیکشن کے حقوق پر غور کیا گیا۔انٹری/ایگزٹ پیسج ڈویلپمنٹ ریٹس میں کمی کے لیے کمیٹی قائم کرنے کا فیصلہ ہوا۔پاکستان کرکٹ بورڈ سے 21 میں سے 16 سپورٹس گراؤنڈز واپس لے کر نیلامی کی تجویز پیش کی گئی۔کھیلوں کے فروغ کے لیے 5 گراؤنڈز پی سی بی کے پاس رہیں گے۔ہائیڈرو سیڈر ملچنگ مشین کی خریداری کی منظوری دی گئی ۔پارک بکنگ ریٹس میں 10 فیصد تک اضافہ کی منظوری دیدی گئی ۔”اڈاپٹ اے پارک” سی ایس آر پالیسی کی منظوری دی گئی۔لیز پالیسی میں تبدیلی، مدت 10 سال + 10 سال تک کرنے کی منظوری دی گئی ۔اجلاس میں ریگولر و کنٹریکٹ ملازمین کو یکم تک تنخواہیں دینے کی منظوری دی گئی ۔
