سیکرٹری پرائس کنٹرول ڈاکٹر احسان بھٹہ سے پاکستان شوگر ملز ایسوسی ایشن کے نمائندگان نے ملاقات کی،صوبہ بھر میں چینی سپلائی کی موجودہ صورتحال اور سٹاک دستیابی بارے تفصیلی تبادلہ خیال کیا گیا،کین کمشنر پنجاب نوید شہزاد مرزا اور دیگر افسران بھی شریک تھے،شوگر ملز ایسوسی ایشن نمائندگان نے سپلائی چین مینجمنٹ میں بہتری بارے سفارشات پیش کیں اور مسائل بارے آگاہ کیا،
ان کا کہنا تھا کہ 17 اضلاع میں قائم شوگر ملز سے صوبہ بھر میں چینی کی کھپت کو پورا کیا جارہا ہے، 10 لاکھ 73 ہزار میٹرک ٹن چینی کے ذخائر موجود ہیں جو 15 نومبر تک کی ضروریات کیلئے کافی ہیں،سیکرٹری پرائس کنٹرول نے ایسوسی ایشن کے مسائل کو ترجیحی بنیادوں پر حل کرنے کی یقین دہانی کروائی، کین کمشنر سمیت 4,4 ارکان پر مشتمل کوآرڈی نیشن کمیٹی بھی تشکیل دینے کا فیصلہ کیا گیا یے، ڈاکٹر احسان بھٹہ نے شوگر ملز کی عام مارکیٹ میں صارفین تک مقرر کردہ نرخوں پر چینی کی فراہمی کو خوش آئند قرار دیا۔
