کمشنرلاہورمریم خان کے ہیلتھ فسیلیٹیز کی ڈیپ کلیننگ جائزہ کے حوالے سے ہسپتالوں کے دورے

وزیراعلی پنجاب کی ہدایات کے مطابق کمشنرلاہورڈویژن مریم خان کے ہیلتھ فسیلیٹیز کی ڈیپ کلیننگ جائزہ کے حوالے سے ہسپتالوں کے دورے جاری ہیں۔ کمشنر لاہور نے ڈسٹرکٹ لیول ہسپتال میاں میر اور مریم نواز ہیلتھ کلینک بھنگالی برکی کا دورہ کیا۔ کمشنر لاہور نے ہسپتالوں میں ڈیپ کلیننگ کے حوالے سے صفائی آپریشن کا جائزہ لیا اور ہدایات جاری کیں۔ اس موقع پر ڈی سی لاہور بھی ہمراہ موجود تھے۔ اے سی کینٹ اور سی ای او ہیلتھ نے کمشنر لاہور کو بریفنگ دی۔ کمشنر لاہور نے ایمرجنسی، او پی ڈی سمیت دیگر شعبہ جات کا معائنہ کیا۔کمشنر لاہور مریم خان نے ہسپتال و ضلعی انتظامیہ کو ہدایات دیتے ہوئے کہا کہ روزانہ کی بنیاد پر ہسپتالوں کی ڈیپ کلیننگ کو چیک کیا جائیگا، ہیلتھ فسیلیٹیز کی روٹین صفائی ہسپتال و کلینک اوقات سے پہلے مکمل ہونی چاہئیے، ہر وارڈ و آپریشنل کمرے کے باہر ڈسٹ بن رکھیں، واش رومز صاف اور ان لاکڈ ہونے چاہئیں۔ انہوں نے کہا کہ ہسپتال کینٹین، پارکنگ ایریا و دیگر فسیلیٹیز کی صفائی و ہائ جین پر زیرو ٹالرنس پالیسی ہے، فلٹریشن پلانٹ مکمل فعال ہوں اور فلٹر چینج کی تاریخ بھی درج ہونی چاہئیے۔ کمشنر لاہور نے ہسپتال ادویات سٹور کو چیک کیا اور ادویات فراہمی و دستیابی کا جائزہ لیا۔ انہوں نے ڈیوٹی روسٹر کے مطابق سٹاف کی حاضری کو چیک کیا۔