*رمضان المبارک کے دوران ماڈل سہولت ان دی گو اور پنجاب کے تمام سہولت بازار رمضان بازار ڈکلیئر*

معاون خصوصی برائے فوڈ سیفٹی اینڈ کنزیومر پروٹیکشن سلمیٰ بٹ کی زیر صدارت رمضان کی تیاریوں کے حوالے اہم اجلاس منعقد ہوا -اجلاس میں سیکرٹری فوڈ سیفٹی اینڈ کنزیومر پروٹیکشن ڈاکٹر کرن خورشید،ڈپٹی سیکرٹری خالد نعیم، ڈی جی (پامرا) طارق علی بسرا سمیت دیگر اعلی افسران نے شرکت کی

-اس موقع پر سلمیٰ بٹ نے کہا کہ مضان کے دوران پنجاب کے ماڈل سہولت ان دی گو اور تمام سہولت بازاروں کو رمضان بازار ڈکلیئر کیا جائے گا تاکہ رمضان کے دوران صارفین کو اشیائے خورونوش کی مسلسل فراہمی یقینی بنائی جا سکے-

انہوں نے کہا کہ رمضان المبارک کے دوران رمضان بازاروں میں چینی، اٹا،چکن اور گھی کی فراہمی کے لیے الگ الگ سیکشن بنائے جائیں گے جہاں پر مارکیٹ سے کم قیمتوں پر ضرورت کی اشیاء باسانی دستیاب ہوں گی جب کہ رمضان کے مہینے میں اٹا کی مسلسل فراہمی کے لیے پہلے سے ہی منصوبہ بندی کر لی گئی ہے اس ضمن میں پنجاب کی تمام فلور ملوں کو اعتماد میں لے لیا گیا ہے-معاون خصوصی برائے فوڈ سیفٹی اینڈ کنزیومر پروٹیکشن نے ہدایات جاری کیں کہ رمضان کے اغاز سے قبل پنجاب کے تمام ڈپٹی کمشنر کی جانب سے مقرر کردہ نمائندوں اور فوڈ سیفٹی افسران کی روزانہ کی بنیاد پر کوارڈینیشن یقینی بنائی جائے تاکہ رمضان المبارک کے دوران اشیاء خورونوش کی مسلسل اور سستے داموں فراہمی یقینی بنائی جا سکے-انہوں نے کہا کہ رمضان المبارک کے دوران پنجاب کے عوام کو زیادہ سے زیادہ ریلیف فراہم کرنا حکومت کی اولین ترجیح اور اس کے لیے تمام انتظامات برو قت مکمل کر لیے گئے ہیں –