ڈپٹی کمشنر لاہور کیپٹن (ر) محمد علی اعجاز کی قیادت میں ضلعی انتظامیہ لاہور شہر کی تعمیر و ترقی اور شہریوں کو بلدیاتی سہولیات کی فراہمی کے لیے پوری طرح متحرک ہے، جس کا مقصد لاہور کے انفراسٹرکچر کو جدید خطوط پر استوار کرنا ہے۔ اسی سلسلے میں ڈی سی لاہور کیپٹن (ر) محمد علی اعجاز نے تحصیل علامہ اقبال کا تفصیلی دورہ کیا جہاں انہوں نے مختلف ترقیاتی منصوبوں اور صفائی ستھرائی کے انتظامات کا باریک بینی سے جائزہ لیا۔ اس موقع پر ایم ڈی واسا، چیف آفیسر ایم سی ایل، اسسٹنٹ کمشنر علامہ اقبال اور ایل ڈبلیو ایم سی کے افسران بھی ان کے ہمراہ تھے۔ ڈپٹی کمشنر نے خاص طور پر نظریہ پاکستان ایونیو اور مریم مسجد لنک رائیونڈ روڈ پر جاری ترقیاتی کاموں اور صفائی کی صورتحال کا معائنہ کیا، جبکہ اسسٹنٹ کمشنر اور نیسپاک حکام نے انہیں لاہور ڈویلپمنٹ پروگرام (ایل ڈی پی) فیز ٹو کی پیشرفت کے بارے میں تفصیلی بریفنگ دی۔ ڈی سی لاہور نے واضح کیا کہ واسا کی تمام اسکیمیں 30 اپریل اور ایل ڈی پی فیز ٹو کے منصوبے ہر صورت 30 جون 2026 تک مکمل کیے جائیں تاکہ عوام ان سے جلد مستفید ہو سکیں۔ انہوں نے نیسپاک اور دیگر متعلقہ اداروں کو سخت ہدایات جاری کیں کہ تعمیراتی کاموں کے معیار اور مٹیریل کی کوالٹی پر کوئی سمجھوتہ نہ کیا جائے اور تعمیراتی سائٹس پر شہریوں کی حفاظت کے لیے تمام تر حفاظتی اقدامات یقینی بنائے جائیں۔ ڈی سی لاہور کا مزید کہنا تھا کہ ضلع بھر میں صفائی کے نظام کو مثالی بنانے کے لیے زیرو ویسٹ پالیسی پر عمل کیا جا رہا ہے اور سیوریج سمیت کھلے مین ہولز جیسے مسائل کو ہنگامی بنیادوں پر حل کیا جا رہا ہے۔ انہوں نے اس عزم کا اعادہ کیا کہ وہ خود فیلڈ میں موجود رہ کر ترقیاتی منصوبوں کی شفافیت اور معیار کی نگرانی کر رہے ہیں تاکہ دیرپا تعمیرات کے ذریعے شہریوں کو طویل المدتی ریلیف فراہم کیا جا سکے۔
Read Next
2 دن ago
لاہور کینال کے 23 مقامات پر ستھرا پنجاب لاہور کی کشتیوں کے ذریعے فلوٹنگ ویسٹ کلئیرنس پرصفائی ٹیمیں تعینات
3 دن ago
بلدیہ عظمٰی لاہور کے شعبہ پلاننگ کا غیر قانونی تعمیرات کے خلاف داتا گنج بخش زون میں آپریشن،4 مسمار،ایک سربمہر
4 دن ago
بلدیہ عظمٰی لاہور کے شعبہ پلاننگ کا عزیر بھٹی زون میں غیر قانونی تعمیرات کے خلاف آپریشن،3 مسمار،3 سربمہر
6 دن ago
بلدیہ عظمٰی لاہور کے شعبہ ریگولیشن کا لنڈا بازاروں اور مصروف مقامات پر گرینڈ آپریشن،تجاوزات کا صفایا
1 ہفتہ ago
ایل ڈبلیو ایم سی کی چمکتا لاہور مہم،77 بڑی شاہراہوں اور 648 کلومیٹر سڑکوں کی روزانہ واشنگ پر عملہ تعینات
Related Articles
بلدیہ عظمٰی لاہور کے شعبہ پلاننگ کا غیر قانونی تعمیرات کے خلاف سمن آباد اور راوی زون میں آپریشن،8 سربمہر،ایک مسمار
1 ہفتہ ago
سموگ آگاہی سائیکل ریلی،ڈی سی لاہور اور سی ٹی او قیادت کریں گے،اے ڈی سی ہیڈ کوارٹر راو رافع افضل
2 ہفتے ago



