ڈی جی ایل ڈی اے طاہر فاروق نے خیابان جناح اور خیابان فردوسی جوہر ٹاؤن کا دورہ کیا۔ ڈی جی ایل ڈی اے نے سسٹین ایبل ڈویلپمنٹ کے تحت دونوں سڑکوں پر جاری اقدامات کا جائزہ لیا۔پراجیکٹ ڈائریکٹر نے بریفنگ دیتے ہوئے بتایا کہ خیابان جناح پر سڑک کے اہم جنکشن اور اطراف پر سسٹین ایبل ڈویلپمنٹ کے تحت اقدامات کیے گئے ہیں۔ سڑک کے اطراف خوبصورت ٹف ٹائلز، فٹ پاتھ کی تعمیر اور سولر لائٹس لگائی گئی ہیں۔ سڑک کے اطراف املاک سے تجاوزات کا خاتمہ کرکے فساڈ کی اپ گریڈیشن کی گئی ہیں۔ڈی جی ایل ڈی اے نے اس موقع پر گفتگو کرتے ہوئے کہا کہ شوکت خانم فلائی اوور کے نیچے گرین ایریا اور سیٹنگ ایریا بنایا گیا ہے۔ڈی جی ایل ڈی اے نے خیابان جناح پر سڑک کی فنشنگ اور بیوٹیفکیشن کا کام تیز کرنے اورپراجیکٹ ڈائریکٹر کو سیوریج کی تکمیل کے بعد سروس روڈ پر بھی کام تیز کرنے کی ہدایت کی۔
