ڈی جی ایل ڈی اے طاہر فاروق نے داتا دربار، بھائی چوک توسیعی منصوبے اور ریلوے اسٹیشن کے اطراف کا دورہ کیا۔چیف انجینئر ایل ڈی اے اسرار سعید اور چیف انجینئر ٹیپا اقرار حسین نے بریفنگ دی۔ڈی جی ایل ڈی اے طاہر فاروق نے داتا دربار منصوبے کے تمام پہلوؤں کا جائزہ لیااور داتا دربار کے اطراف فساڈ کی اپ گریڈیشن کے کام تیز کرنے کی ہدایت کی۔ڈی جی ایل ڈی اے نے ٹریفک پولیس کے ساتھ مل کر ٹریفک کو ڈائیورٹ کرنے کی ہدایت کی۔چیف انجینئر ایل ڈی اے نے بتایا کہ کربلا گامے شاہ سے آنے والی ٹریفک پیڈسٹرین انڈرپاس کے اوپر سے گزاری جائے گی۔ ڈی جی ایل ڈی اے طاہر فاروق نے سرکلر روڈ اور ریلوے اسٹیشن کے اطراف کا بھی دورہ کیا۔ڈی جی ایل ڈی اے نے پارکنگ ایریا کی ڈویلپمنٹ اور املاک کے فساڈ کی اپ گریڈیشن کا جائزہ لیا۔ڈی جی ایل ڈی اے نے عید کی چھٹیوں کے بعد ترقیاتی کاموں میں تیزی لانے اور ویجیلنس ٹیموں کو باقاعدگی سے منصوبوں کا وزٹ کرنے کی ہدایت کی۔ڈی جی ایل ڈی اے نے ترقیاتی کاموں کے معیار اور فنشنگ کے کاموں کا جائزہ لیا۔اس موقع پر ایل ڈی اے، ٹیپا اور کنٹریکٹر کے متعلقہ افسران موجود تھے۔
