چیئرمین پنجاب ریونیو اتھارٹی معظم اقبال سپرا سے ورلڈ بینک کے وفد نے ملاقات کی۔صوبہ بھر کے سروسز سیکٹر کی بذریعہ پی او ایس مشین ریئل ٹائم مانیٹرنگ بارے تبادلہ خیال کیا گیا۔ کنکٹڈ پنجاب پروگرام کے تحت پنجاب ریونیو اتھارٹی کے مانیٹرنگ سسٹم کی اپگریڈیشن بارے بریفنگ دی گئی۔ پنجاب ریونیو اتھارٹی کے مانیٹرنگ فریم ورک ،انوائس رولز اور بزنس انٹیگریشن بارے تجاویز کا بھی جائزہ لیا گیا۔چیئرمین پی آر اے کا کہنا تھا کہ موجودہ سسٹم کی خامیوں کو سامنے رکھتے ہوئے آئندہ 10 سالوں کی ضرویات کو مدنظر رکھا جائے۔ رجسٹرڈ ٹیکس دہندگان کی انوائسنگ اور ریئل ٹائم مانیٹرنگ یقینی بنائی جائے گی۔ معظم اقبال سپرا نے واضح کیا کہ الیکٹرانک انوائسنگ سسٹم قوانین کی خلاف ورزی کرنیوالوں کیخلاف سخت قوانین بھی لاگو کیے جائیں گے۔ ٹیکس نیٹ بڑھانے کیلئے آئی ٹی اصلاحات حکومت کی ترجیحات میں شامل یے۔ پی آر اے کے ڈیجیٹل سسٹم کی اپگریڈیشن کیلئے ورلڈ بینک اور پی آئی ٹی بی معاونت فراہم کریں گے۔
