مسیحی برادری کے تہوار ایسٹر کی مناسبت سے ستھرا پنجاب صفائی ٹیموں کی جانب سےشہر کو زیرو ویسٹ کر نے کے لیے عملہ متحرک ہے جبکہ خصوصی صفائی اقدامات کے تحت ایسٹر سے قبل شہر کے 263 چرچز کی صفائی دھلائی یقینی بنائی جا رہی ہے۔81 کرسیچن کالونیز میں صفائی ستھرائی کا عمل مکمل کر لیا گیا ہے۔ایسٹر تقریبات کے پیشِ نظر ڈی جی ستھرا پنجاب اتھارٹی بابر صاحب دین کی ہدایت پر سیکرڈہارٹ، کیتھیڈرل، انار کلی، ڈون باسکو،نولکھا، سینٹ انتھونی چرچ سمیت شہر کے تمام بڑے گرجا گھروں کی واشنگ کی جا رہی ہے۔سینٹ اینڈریوز،سینٹ انتھونی،سینٹ جوزف، سینٹ میری ،لوہاری گیٹ چرچ کی واشنگ کیلئے بھی عملہ تعینات کیا گیا۔یوحنا آباد، بیگم کوٹ، کرسچن پارک ونڈالا روڈ، چرچ محلہ سمیت دیگر مسیحی علاقوں میں زیرو ویسٹ آپریشن مکمل کرنے کے لیے عملہ تعینات ہے۔سینٹ میری ،کچی آبادی ایف سی کالج،بہار کالونی، نجات پورہ بند روڈ،نجف کالونی، سادات کالونی، مریم کالونی،وسن پورہ،بلال ٹاؤن،کریم پارک کرسچن کالونی میں صفائی کے بہترین انتظامات یقینی بنائے جا رہے ہیں۔ڈی جی ستھرا پنجاب اتھارٹی بابر صاحب دین کا اس حوالے سے کہنا ہے کہ ایسٹر کے موقع پر صفائی مشینری فیلڈ میں متحرک رہے گی۔شہریوں کوہرموقعے اور تہوار پر صاف ستھرا ماحول فراہم کرنے کیلئے پر عزم ہے۔مسیحی برادری کی خوشیوں میں ان کے ساتھ ہیں۔شہریوں سے گزارش ہے کہ اپنے ارد گرد کے ماحول کو صاف رکھنے کے لیے صفائی عملے کا ساتھ دیں۔
لاہور،ایسٹر سے قبل266 چرچزکی صفائی دھلائی،81 کرسیچن کالونیز میں زیرو ویسٹ یقینی بنانے کے لیے عملہ متحرک
